[វីដេអូ]Ep.29 ប្រធានបទ: ការលើសខ្លាញ់

រោគសញ្ញា

កូលេស្ដេរ៉ូលមានច្រើនប្រភេទ កូលេស្ដេរ៉ូលល្អគេហៅថា HDL ហើយកូលេស្ដេរ៉ូលអាក្រក់គេហៅ LDL ប៉ុន្តែជាទូរទៅយើងត្រូវមានកម្រិតរបស់វា។ជាធម្មតា HDL ឲ្យលើសពី 40 បានល្អ​ និង LDL ត្រូវក្រោម130 បានល្អប៉ុន្តែការសិក្សាថ្មីៗនេះបានឲ្យដឹងថា​ LDL ក្រោម 100 ទៀតបានល្អប្រសិនជាយើងមានហានិភ័យទៅលើជំងឺបេះដូងឬក៏ជំងឺទឹកនោមផ្អែម។ 

ការព្យាបាល 

អ្នកអាចបូមឈាមយកទៅពិនិត្យមើលមិនថាអ្នកធាត់ឬអ្នកស្គមទេ គឺអាចទៅពិនិត្យមើលសុខភាពបាន នៅពេលដែលអ្នកអត់ញុំាអាហារពេលព្រឹក ចំពោះតូតាលកូលេស្តេរ៉ូល និងHDLអាចមើលបាននៅពេលញុំាអាហារ ។ចំពោះ LDL ដែលជាខ្លាញ់អាក្រក់គឺយើងចាំបាច់មិនញុំាអាហារ ចាប់ពី10-12 ម៉ោងដើម្បីឲ្យគ្រូពេទ្យបូមឈាមយកមកពិនិត្យ។

របៀបក្នុងការបង្ការ

ថ្នាំបញ្ចុះជាតិខ្លាញ់ឈ្មោះក្រុមរបស់វាមានឈ្មោះថា ស្តារអ៊ិន អ្នកខ្លះអាចប្រើ​បានអ្នកខ្លះទៀតមិនអាចប្រើ​បាន ។សំរាប់អ្នកដែលចាំបាច់ត្រូវប្រើគឺជាអ្នកដែលមានប្រវត្តិគ្រួសារ​ មានបងប្អូនស្លាប់ដោយសារជំងឺគាំងបេះដូង ជំងឹដាច់សរសៃឈាម ធាត់ជ្រុល ឬធ្លាប់មានជំងឺទឹកនោមផ្អែម​ ដូចនេះចាំបាច់ត្រូវតែប្រើថ្នាំស្ដារអ៊ិន។

បន្ថែមពីនេះអ្នកគួរហាត់ប្រាណជាប្រចាំ ដើម្បីទទួលបានសុខភាពល្អ។

របបអាហារនិងការទទួលទានដែលត្រឹមត្រូវ​

ភាគច្រើនអាយុចាប់ពី 28-30 ដល់ឆ្នាំភាគច្រើនធ្វើការចាប់ពី8-10 ម៉ោងក្នុងមួយថ្ងៃ មិនមានពេលគ្រប់គ្រាន់សំរាប់ហាត់ប្រាណនោះទេ ដូចនេះវាជាបញ្ហាសំរាប់ពួគគាត់មិនថាគាត់ស្គមឬធាត់នោះទេ អ្នកដែលមានកូលេស្ដេរ៉ូលអាក្រក់ ពួគគាត់គួរតែធ្វើការ check up សុខភាពជារៀងរាល់មួយឆ្នាំម្តង ។ អ្នកខ្លះវិញអត់ដែលញុំាបន្លែនោះទេគឺពួគគាត់ញាំតែសាច់ គឺគ្រោះថ្នាក់ណាស់​​ ពីព្រោះធ្វើឲ្យមានកូលេស្ដេរ៉ូលអាក្រក់កើតឡើងលឿន ដែលមាននៅក្នុងអាហារមានដូចជាសាច់បំពង សាច់សត្វជើងបួន។

ដូចនេះអ្នកគួរតែផ្លាស់ប្ដូរទំលាប់នៅក្នុងការញាំហារ ដោយងាកមកញុាំសាច់ត្រីឬសត្វស្លាបជាដើម។

សារដ៏មានសារៈប្រយោជន៍ 

អ្នកគួរតែទៅពិនិត្យសុខភាព ដើម្បីដឹងជាតិខ្លាញ់ និងជាតិកូលេស្ដេរ៉ូលព្រមជាមួយជាតិខ្លាញ់អាក្រក់ និងអ្នកគួរតមអាហារណាដែលធ្វើឲ្យប៉ះពាល់ទៅដល់សុខភាព។ បន្ថែមពីនេះអ្នកគួរចំណាយពេលវេលាហាត់ប្រាណជាប្រចាំតាមលទ្ធភាពដែលអ្នកអាចធ្វើទៅបាន៕

សូមទស្សនាវីដេអូដូចខាងក្រោម៖